2023-cü ilin yanvarında istifadəyə verilmiş “STEAM İnnovasiya Mərkəzi”nin fəaliyyəti orta məktəblərdə eyniadlı mövcud mərkəzlərin tədris proqramına görə fərqlənir. Bu Mərkəzə müraciət edən müxtəlif yaş kateqoriyasından olan məktəblilər və tələbələr XXI əsr bacarıqlarını - kreativliyi, əməkdaşlığın inkişaf etdirilməsini, müxtəlif bilikləri tətbiq etməklə müasir İKT avadanlıqlarından istifadə qabiliyyətlərini yüksəldirlər.
“STEAM İnnovasiya Mərkəzi”nin dördmərtəbəli yeni binasının ilk üç mərtəbəsi Elm Muzeyikonseptində hazırlanıb. 4-cü mərtəbəsi isə müxtəlif STEAM modullarının məzmununa uyğun şagirdlər və tələbələr üçün fəaliyyət zonası kimi nəzərdə tutulub.
Mərkəzdə aviasiya məkanı, klassik Nyuton, uşaqlar üçün Nyuton, konfrans, oyun, konstruksiya,ideya emalatxanası, “Heureka Classics” otaqları, robotların hazırlanması laboratoriyası, “3D hologram”, VR/AR otaqlar, STEAM TV studiyası, Elm Teatrı üçün geniş zal mövcuddur.